લોકો ઘણીવાર લોન લેવાથી બચે છે, પરંતુ ના ઈચ્છવા છતાં ઘણી વખત તેઓ તેમની જરૂરિયાતો પૂરી કરવા માટે લોન લેવાનો વારો આવે છે. આવી સ્થિતિમાં, તે લોન ચૂકવીને તેમાંથી બહાર નીકળવું ખૂબ મુશ્કેલ બની જાય છે. ઘણી વખત લોકો એક લોન ચૂકવવા માટે બીજી લોન લે છે, અને લોનના ચક્રમાં ફસાઈ જાય છે. આવી સ્થિતિમાં તેમાંથી બહાર આવવું ઘણું મુશ્કેલ બની જાય છે.
જો તમે પણ કોઈ પણ પ્રકારના દેવામાં ફસાયેલા છો, તો તમારે કેટલીક બાબતોનું ધ્યાન રાખવું જોઈએ, જેથી તમને કોઈ આર્થિક સંકટનો સામનો ન કરવો પડે. વાત જાણે એમ છે કે, કેટલીક ટિપ્સ અને ટ્રિક્સ અપનાવીને, વ્યક્તિ દેવા મુક્ત બની શકે છે. એટલા માટે આજે અમે તમને તે વસ્તુઓ વિશે જણાવવા જઈ રહ્યા છીએ. જેને અનુસરીને તમે તમારી લોનનો થોડો બોજ ઘટાડી શકો છો. તો ચાલો જાણીએ કઈ છે આ ટિપ્સ..
જો તમે પણ દેવાની જાળમાં ફસાઈ ગયા છો, તો તમારે પહેલા નાના દેવાની ચુકવણી કરવી જોઈએ. જે લોન એકસાથે ચૂકવી શકાય છે તે પહેલા ચૂકવવી જોઈએ. બીજી બાજુ, જો તમારી પાસે એકથી વધુ લોન છે, તો તેના માટે અલગ અલગ બજેટ બનાવો. જો તમારી પાસે અચાનક પૈસા આવી જાય, તો તમારે નક્કી કરવું જોઈએ કે કઈ લોન પહેલા ભરપાઈ કરવી જોઈએ.
જો તમે એક મોટી લોન લીધેલી હોય, તો તમે તમારી લોનનું રિસ્ટ્રક્ચર પણ મેળવી શકો છો. લોન રિસ્ટ્રક્ચરિંગની સુવિધા ઘણી લોન આપે છે. આ પ્રક્રિયા હેઠળ, બેંક તમારા ક્રેડિટ કાર્ડ બેલેન્સને પર્સનલ લોનમાં રૂપાંતરિત કરે છે. એટલું જ નહીં તેની પેનલ્ટી પણ માફ કરવામાં આવે છે.
તમને ખબર હોવી જોઈએ કે ઘણી લોન પર ટેક્સ બેનિફિટ પણ મળે છે. જેમ કે જો તમે હોમ લોન અથવા એજ્યુકેશન લોન લો છો, તો આવી લોન નિર્ધારિત સમયગાળા પહેલા ચૂકવવી જોઈએ નહીં.
આ ઉપરાંત, લોન લેતી વખતે, તમારે ખાસ ધ્યાન રાખવું જોઈએ કે એવી લોન કે જેને જો તમે નિર્ધારિત સમયગાળામાં ચુકવણી ન કરો, તો તમે કોઈ કાયદાકીય મુશ્કેલી અથવા અન્ય કોઈ જોખમમાં ફસાઈ શકો છો, તો પછી આવી લોન ચૂકવવા માટે તમે તમારી સંપત્તિ-સોનું અથવા તમે પ્લોટ ગિરવી મૂકી શકો છો.
આ સાથે, તમે પ્રોવિડન્ટ ફંડ અથવા અન્ય કોઈપણ રોકાણને સમય પહેલા રિડીમ પણ કરી શકો છો. ખાસ ધ્યાનમાં રાખવાની વાત એ છે કે તમારે ક્યારેય એક લોનની ચુકવણી માટે બીજી લોન લેવાની જરૂર નથી.