હૃદયરોગનો હુમલો થયા પછી ભૂલથી પણ ન ખાઓ આ વસ્તુઓ

હાર્ટ એટેક આવ્યા પછી પણ લોકો કોઈ પણ પ્રકારના ટેન્શન વિના આરામથી સુખી જીવન જીવી શકે છે, પણ શરત એટલી જ કે તેઓ તેમના હૃદયના સારા સ્વાસ્થ્ય માટે લાઇફસ્ટાઇલ અને ડાયટમાં નાનો ફેરફાર કરે તો . હાર્ટ એટેક પછી કઈ વસ્તુઓ ન ખાવી જોઈએ તે જાણવા માટે તમે તમારા ડૉક્ટર અને ન્યુટ્રિશનિસ્ટની સલાહ લઈ શકો છો. તેમની સલાહ મુજબ, અમુક બાબતો ધ્યાનમાં રાખીને તમારા હૃદયની સંભાળ રાખી શકો છો.

શુ ન ખાઓ?

બેકડ ફૂડ આઇટમ્સ :

જો તમે હાર્ટ એટેક પછી હાર્ટ-હેલ્ધી ડાયટ ફોલો કરી રહ્યા છો, તો સૌથી પહેલા તમારા ડાયટ ચાર્ટમાંથી કેક, કુકીઝ, પેસ્ટ્રી જેવી બેક કરેલી ખાદ્ય ચીજોને કટ કરો. ખાંડની હાજરીને કારણે, આ બેકડ સામાન ખાવાથી શરીરમાં ટ્રાઇગ્લિસરાઇડનું સ્તર વધે છે અને હૃદય રોગની શક્યતાઓ વધી જાય છે. ક્રીમ વગેરે હોવાથી તેમાં સેચ્યુરેટેડ ફેટ્સ હોય છે, જેના કારણે લોહીમાં કોલેસ્ટ્રોલનું સ્તર વધે છે. જો તમને મીઠાઈ ખાવાનું મન થાય તો તાજા ફળો ખાઓ. તેમાં કુદરતી ખાંડ હોય છે, જે મીઠાઈઓની તલપને શાંત કરે છે.

ફ્રાઈડ ફૂડસ :

હૃદયરોગના હુમલા પછી લોહીમાં કોલેસ્ટ્રોલનું સ્તર ઘટાડવાનો શ્રેષ્ઠ ઉપાય છે તળેલા ખોરાકનો વપરાશ ઓછો કરવો. તળેલો ખોરાક ઓછો ખાવાથી ભવિષ્યમાં હાર્ટ એટેક કે સ્ટ્રોક આવવાની શક્યતાઓ ઘટી જાય છે. સેચ્યુરેટેડ અને ટ્રાન્સ ફેટસ લોહીમાં કોલેસ્ટ્રોલનું સ્તર વધારે છે, જેના કારણે ચરબીનું સ્તર ધમનીઓ પર જમા થાય છે અને પછી લોહીનો પ્રવાહ સરળ રીતે થતો નથી. તમારા આહારમાંથી તળેલા ખોરાકને અલગ કરવું વધુ સારું રહેશે. ઓલિવ ઓઈલમાં બનાવેલો ઘરે બનાવેલો ખોરાક ખાઓ.

સોલટેડ નટ્સ અને સ્નેક્સ :

જો તમે હૃદય સંબંધિત બીમારીઓથી બચવા માંગતા હોવ તો આહારમાં મીઠું એટલે કે સોડિયમનું પ્રમાણ ઓછું કરવું જરૂરી છે. પોષક તત્વોથી ભરપૂર બદામ સારા હૃદયના સ્વાસ્થ્ય માટે જરૂરી છે, પરંતુ સોલટેડ નટ્સ અને સ્નેક્સ હૃદયને નુકસાન પહોંચાડે છે. તેથી, નટ્સ વાળા સ્નેક્સ ખરીદતા પહેલા, તેમાં સોડિયમનું પ્રમાણ જોવા માટે તેમના ન્યુટ્રિશિયનનું લેબલ વાંચો. જો તમારે સોલટેડ નટ્સ ખાવા હોય તો આવા નાસ્તા લો, જે મીઠા વગરના અથવા ઓછા સોડિયમવાળા નાસ્તા હોય.

પ્રોસેસ્ડ મીટ્સ :

પ્રોસેસ્ડ મીટમાં સોડિયમ અને નાઈટ્રેટ્સનું પ્રમાણ ખૂબ જ વધારે હોય છે અને પ્રોસેસ્ડ મીટ ખાવાથી હાઈ બ્લડ પ્રેશર, હાર્ટ એટેક અને હૃદયની બીમારીઓનું જોખમ વધે છે

મિલ્ક ચોકલેટ :

મિલ્ક ચોકલેટમાં ડાર્ક ચોકલેટ કરતાં ઘણી વધારે શુગર અને ફેટ હોય છે. હાર્ટ એટેક પછી જો તમને ક્યારેય ચોકલેટ ખાવાનું મન થાય તો ડાર્ક ચોકલેટ ખાઓ. ડાર્ક ચોકલેટમાં ફ્લેવોનોઈડ્સ અને એન્ટીઓક્સીડેન્ટ હોય છે, જે હાઈ બ્લડ પ્રેશર ઘટાડવામાં મદદ કરે છે.

સોડા :

જો તમને સોડા પીવાનું પસંદ છે, તો હાર્ટ એટેક પછી આ આદત છોડી દો. સોડામાં શુગર હોય છે અને દરરોજ સોડા પીવાથી શરીરમાં શુગર લેવલ વધે છે. આ સિવાય સોડામાં પ્રિઝર્વેટિવ્સ હોય છે, જે હૃદય સંબંધિત અન્ય સમસ્યાઓનું કારણ બની શકે છે.

મેંદો :

મેંદો ખાવાથી શરીરમાં કોલેસ્ટ્રોલનું સ્તર વધે છે અને કોલેસ્ટ્રોલ વધે તો હાર્ટ એટેકનો ખતરો વધી જાય છે. બ્રેડ, પાસ્તા, બિસ્કિટ, કેક, ચિપ્સ, સમોસા, કુલચા, પિઝા, બર્ગર વગેરે જેવા મેદામાંથી બનેલા ખોરાકમાં અનહેલ્ધી કાર્બોહાઇડ્રેટ્સનું પ્રમાણ વધુ હોય છે. આ અનહેલ્ધી કાર્બોહાઇડ્રેટ્સ શરીરમાં ઇન્સ્યુલિનની માત્રામાં વધારો કરે છે, જે ઘણા પ્રકારની શારીરિક સમસ્યાઓનું કારણ બને છે..

કેફીન મિશ્રિત ચા કોફી અને એનર્જી ડ્રિન્ક :

ચા, કોફી અને એનર્જી ડ્રિંક વધારે પીવાથી બ્લડ પ્રેશર વધે છે જેનાથી હાર્ટ એટેકની શક્યતા વધી જાય છે.

જંક ફૂડ :

તમારા ડાયટમાંથી જંક ફૂડને દૂર કરીને, તમે હાર્ટ એટેકનું જોખમ 53% ઘટાડી શકો છો. જંક ફૂડ, પિઝા, બર્ગરમાં ફેટ, સોડિયમ અને કેલરી હોય છે, જે હાર્ટ એટેકનું જોખમ વધારી શકે છે. તેથી, હાર્ટ એટેક પછી ડાયટ ચાર્ટમાં આ વસ્તુઓને સ્થાન ન આપો.