દેશના રાજા પર ઘણી જવાબદારીઓ હોય છે, જેનું તે પાલન કરે છે. રાજાનું કર્તવ્ય છે કે તે પોતાની પ્રજાના દરેક દુ:ખ અને પીડાને સમજે. વિશ્વના મોટાભાગના દેશોમાં રાજાશાહીનો અંત આવી ચુક્યો છે. હવે માત્ર થોડા જ દેશો બચ્યા છે જ્યાં હજુ પણ રાજાશાહી છે. તેમાંથી એક આફ્રિકન દેશ સ્વાઝીલેન્ડ છે. જો તમે અહીંના રાજા વિશે જાણશો તો તમને નવાઈ લાગશે.
દેશની આઝાદીના પચાસ વર્ષ પૂર્ણ થવા પર, અહીંના રાજાએ વર્ષ 2018માં દેશનું નામ બદલીને ધ કિંગડમ ઓફ ઈસ્વાટિની કરી દીધું. આ દેશ આફ્રિકા મહાદ્વીપમાં દક્ષિણ આફ્રિકાને અડીને આવેલો છે. દક્ષિણ આફ્રિકા અને મોઝામ્બિકની સરહદોને અડીને આવેલો આ દેશ ઘણી વખત તેના રહસ્યને કારણે ચર્ચામાં રહે છે.
આ દેશમાં, દર વર્ષે ઓગસ્ટ-સપ્ટેમ્બર મહિનામાં, રાણીની માતાના શાહી ગામ લુડજીજીનીમાં ઉમહલાંગા સેરેમનીનું આયોજન કરવામાં આવે છે. આ ફેસ્ટિવલમાં 10 હજારથી વધુ અપરિણીત યુવતીઓ અને બાળકીઓ ભાગ લે છે. અહીં અપરિણીત છોકરીઓ રાજાની સામે ડાન્સ કરે છે.
એક રિપોર્ટ અનુસાર, ફેસ્ટિવલમાં સામેલ થનારી છોકરીઓમાંથી રાજા દર વર્ષે એક રાણી પસંદ કરે છે. સૌથી નવાઈની વાત એ છે કે આ છોકરીઓ રાજા અને તેની આખી પ્રજાની સામે કપડા વગર ડાન્સ કરે છે. આ પરંપરાનો દેશની ઘણી યુવતીઓએ વિરોધ કર્યો હતો, જ્યારે ઘણી યુવતીઓએ આ પરેડમાં ભાગ લેવાનો ઇનકાર કર્યો હતો. જ્યારે રાજાને આ વાતની જાણ થઈ ત્યારે તે યુવતીઓના પરિવારજનોએ ભારે દંડ ભરવો પડ્યો.
આ દેશના રાજા પર એવા આક્ષેપો થયા છે કે તેઓ પોતે ખૂબ જ શાનથી જીવે છે, તેથી ત્યાંની મોટી વસ્તી અત્યંત ગરીબીમાં જીવન વિતાવી રહી છે. 2015માં ‘ઈન્ડિયા આફ્રિકા સમિટ’માં ભાગ લેવા માટે રાજા મસ્વતી તૃતિય ભારત પણ આવી ચુક્યા છે. રાજા મસ્વતી તૃતિય તેમની સાથે 15 પત્નીઓ, બાળકો અને 100 નોકરોને લઈને આવ્યા હતા. દિલ્હીની એક ફાઈવ સ્ટાર હોટલમાં તેના માટે 200 રૂમ બુક કરવામાં આવ્યા હતા જેમાં તે રોકાયો હતો.