ઇન્ડિયન ક્રિકેટ ટીમના ઓલરાઉન્ડર અને ચેન્નાઇ સુપર કિંગ્સના કપ્તાન સર રવિન્દ્ર જાડેજાને તો આપ સૌ ઓળખતા જ હશો. રવિન્દ્ર જાડેજાએ જાત મહેનતથી ક્રિકેટ ક્ષેત્રે પોતાનું મોટુ નામ બનાવી લીધુ છે. જાડેજાના લગ્ન રીવાબા જાડેજા સાથે થયા છે. જેઓ રાજકારણ અને સમાજ સેવામાં આગળ પડતું નામ ધરાવે છે.
થોડા દિવસ પહેલા જ રવિન્દ્ર જાડેજા અને રીવાબાની મેરેજ એનિવર્સરી હતી, અને એ દિવસે આખી દુનિયામાંથી એમના ફેન્સે એમને શુભકામનાઓ પણ પાઠવી હતી, એવામાં ત્લગ્નની આ છઠ્ઠી વર્ષગાંઠ ઉપર રિવાબાએ પણ તેમને દિલ જીતી લેનારું કામ કર્યું.
તમને જણાવી દઈએ કે રીવાબા જાડેજા સોશિયલ મીડિયા પર પણ ખૂબ જ એક્ટિવ રહે છે અને પોતાના કામકાજ સાથે પોતાના પર્સનલ લાઈફને લઈને પણ કેટલીક બાબતો શેર કરતી રહે છે, મેરેજ એનિવર્સરીના દિવસે એમને પતિ રવિન્દ્ર જાડેજા સાથેની પોતાની તસવીરો શેર કરી હતી જે તેમના લગ્ન સમયની હતી.
આ ઉપરાંત રીવાબાએ લગ્નના વીડિયો પણ શેર કર્યા હતા, જેમાં તેમના લગ્નનો શાહી અંદાજ પણ જોવા મળી રહ્યો હતો. 17 એપ્રિલના રોજ રીવાબા અને રવિન્દ્ર જાડેજાના લગ્નની વર્ષગાંઠ હતી, એ દરમિયાન રીવાબા પોતાના પતિ રવિન્દ્ર જાડેજાને ચીયર કરવા માટે ક્રિકેટ ગ્રાઉન્ડ પર પણ પહોંચી જતી. તે દિવસે ચેન્નાઇની મેચ ગુજરાત સામે હતી, જેમાં ચેન્નાઇની ટીમને હારનો સામનો કરવો પડ્યો હતો.
મેરેજ એનિવર્સરીના દિવસે રીવાબાએ આ તસવીરો અને વીડિયો શેર કરવાની સાથે એક શાનદાર કેપશન પણ લખ્યું હતું. જેમાં તેમને લખ્યું હતું કે, “આ છ ! અને આ છ વર્ષ કેવી રીતે વીતી ગયા એ કહેવા માટે મારી પાસે શબ્દો નથી ! હજુ પણ એવું લાગે છે કે હું તમને ગઈકાલે મળી હતી…અત્યાર સુધી અવિશ્વસનીય ભાગીદારી રહી છે અને હું ઈચ્છું છું કે તે અનંત સુધી ચાલુ રહે. હેપ્પી સિક્સ જડ્ડુ !
લગ્નના ફોટાની સાથે રિવાબાએ એ દિવસે કેટલાક સેવાકીય કાર્યોના ફોટા પણ શેર કર્યા હતા. રીવાબાએ તેમના લગ્નની વર્ષગાંઠ નિમિત્તે સેવાકીય કાર્યની તસવીરો શેર કરવાની સાથે લખ્યું હતું કે, “આજે તા. 17/04/22 અમારી લગ્નની છઠ્ઠી વર્ષગાંઠ છે. આજના દિવસે અમારી ખુશીઓને બમણી કરવાની તક મળી. શ્રી જામનગર જિલ્લા રાજપૂત સમાજ સમૂહ લગ્ન સમિતિ આયોજિત 22 માં સમૂહ લગ્નોત્સવમાં યોગાનુયોગ 26 દીકરીઓના લગ્ન થવા જઈ રહ્યા છે આ દરેક દીકરીઓને શુભઆશિષ રૂપે 4 નંગ સુવર્ણ ખડગ ભેટ સ્વરૂપે આપી, સામાજિક ઉત્થાનની આ પ્રવૃત્તિમાં સહભાગી થવાનો અવસર મળ્યો તે બદલ ધન્યતા અનુભવું છું.”